Mirë se erdhët !

Gjimnazi "Petro Nini Luarasi"

Rreth Nesh

Shkolla e mesme e përgjithshme “Petro Nini Luarasi” mban emrin e njërit prej veprimtarëve të shquar të Rilindjes Kombëtare, publicistit, pedagogut, dhe Mësuesit të Popullit, atdhetarit Petro Nini Luarasi. Ajo ndodhet në juglindje të Tiranës, në rrugën “Sami Frashëri” dhe është ndërtuar në vitin shkollor 1959.

E pozicionuar në qendër të kryeqytetit kjo shkollë ka histori dhe ka lënë gjurmë të rëndësishme në nxjerrjen e brezave të nxënësve që kanë drejtuar në nivelet më të larta të përfaqësimit të shtetit, por edhe në rang ndërkombëtar.

Që në hapat e parë të jetës së saj, shkolla shquhet për rezultate dhe arritje të larta, si e tillë ajo vlerësohet nga Ministria e Arsimit, si një nga institucionet më të suksesshme të arsimit dhe kultivimit të intelektualëve të vendit, nxitëse dhe motivuese për zhvillimin e përvojës së përparuar.

Puna mësimore edukative në shkollë është bazuar në nevojat, interesat, por edhe kërkesat lidhur kjo me nivelin cilësor të nxënësve, por edhe të përgatitjes së stafit pedagogjik.

Shkolla ka përgatitur nxënës që kanë përfaqësuar shkollën në olimpiada kombëtare, ndërkombëtare, nxënës të vlerësuar për rezultate të shkëlqyera me Medalje të Artë.

Misioni

Inkurajojmë kreativitetin, ushqejmë pasionin!

Synimi

Shkolla jonë synon formimin e nxënësit mendimtar, krijues, qytetarit global në një mjedis miqësor, cilësor dhe gjithëpërfshirës, ku bashkëpunimi mes mësuesve dhe prindërve krijon kushte që ata të zhvillojnë njohuri, shkathtësi, qëndrime dhe vlera në përshtatje me kërkesat e një shoqërie demokratike dhe të globalizuar.

462601266_1023316566251093_4260468473983745404_n

464359594_1033712218544861_6878709874476186318_n

463461843_1026669535915796_828467714076768738_n

463250641_1025834559332627_4802631439809952185_n

461279367_1012904000625683_7111209622946291464_n

462698853_1021864543062962_9078427784377986049_n

464063581_1029337458982337_6818080607356696392_n

462493052_947796244055674_5164149744533763767_n

463745676_1028694275713322_1952041879169509186_n

aktivitete

Aktivitetet janë tipar dallues i shkollës sonë. Ato bazohen në planet vjetore të përgatitura nga kryetarët e ekipeve lëndore bazuar në planin vjetor të shkollës, por edhe në udhëzimet që nxirren nga MAS për vitin shkollor. Aktivitetet janë të natyrave edukuese, argëtuese por edhe në dobi të shëndetit mendor e fizik të nxënësve.

Shkolla jonë bashkëpunon për realizimin e aktiviteteve me institucione, organizata të ndryshme, si:

UNESCO,
Ministria e Kulturës,
Muzeu Historik Kombëtar,
Ambasada Amerikane,
Bashkia Tiranë etj.

Tituj dhe Mirënjohje

Gjimnazi "Petro Nini Luarasi" është krenar të ndajë arritjet e tij të shquara në fushën e arsimit.

Në kuadër të 60-vjetorit të themelimit, shkolla jonë është nderuar me titullin prestigjioz “Kalorës i Urdhrit të Flamurit” nga Presidenca e Republikës, duke njohur kontributin e saj të jashtëzakonshëm në edukimin dhe formimin e brezave të rinj.

Ky vlerësim përfaqëson një moment historik për shkollën dhe komunitetin tonë, duke theksuar përkushtimin dhe inovacionin që e karakterizojnë ne çdo hap.

Qeveria E NXenesve

Qeveria e Nxënësve të gjimnazit "Petro Nini Luarasi" ka për qëllim të jetë një përfaqësim i denjë dhe i përkushtuar i interesave dhe zërit të çdo nxënësi në shkollë.

Me dëshirën për të ndërtuar një mjedis të drejtë, të respektuar dhe të motivuar, ne angazhohemi për të përmirësuar jetën shkollore dhe për të krijuar një hapësirë ku çdo nxënës ndihet i dëgjuar dhe i vlerësuar.

Duke promovuar vlera si bashkëpunimi, respekti dhe përgjegjësia, Qeveria e Nxënësve punon në mënyrë të vazhdueshme për të krijuar një atmosferë të mirëkuptimit dhe ndihmës së ndërsjellë.

Synimi ynë është që çdo nxënës të ketë mundësinë të shprehë opinionet dhe idetë e tij/saj, duke ndihmuar kështu në përmirësimin e përvojës së përgjithshme arsimore.

Përmes aktiviteteve të ndryshme, projekteve dhe nismave, Qeveria e Nxënësve ka për qëllim të krijojë mundësi zhvillimi dhe motivimi për të gjithë.

Ne angazhohemi për të sjellë ide të reja dhe për të ndihmuar në zhvillimin e një shkolle më të hapur, më të përparuar dhe më të suksesshme.

Votimi Dixhital

Me krenari prezantojmë një hap drejt modernizimit: për herë të parë, gjimnazi "Petro Nini Luarasi" ofron mundësinë e votimit online! Ky sistem inovativ i lejon nxënësit të shprehin mendimin e tyre në mënyrë të lehtë, të shpejtë dhe transparente.